Produksjon av mat med utgangspunkt i kommunen sitt areal er ei framtidsnæring. Ei næring der menneske og teknologi i samspel med arealgrunnlag, offentleg lovverk og eit klima i endring skapar økonomiske verdiar i dykkar kommune, slik startar brevet som Vestland Bondelag har sendt til kommunane i fylket. Brevet er signert av fylkesleiar Anders Felde (biletet)
- Det er eit stort ansvar og eit viktig arbeid vi har framfor oss seier leiar i valnemnda i Vestland Bondelag Samson Hamre.
Camilla Avedal Ulvik vart attvald som leiar i Fjaler og Hyllestad Bondelag.
Vestland Bondelag vil i samarbeid med Alver kommune invitere til kveldssamling med tema klimatilpassing og klimakalkulator. Samlinga passar best for mjølkebønder, men er ope for andre produksjonar. Møtet er støtta med midlar frå Statsforvaltaren.
- På vegne av beitebrukarane i Indre Sogn er det svært skuffande at Statens Naturoppsyn (SNO) ikkje har fått i oppdrag å felle jerv i Vestland og i Breheimen, skriv styremedlem og rovviltpolitisk talsperson i Vestland Bondelag Gry Ingvild Agjeld i eit lesarinnlegg.
Vurderer du å investere i eit anlegg for fornybar energi på garden din? Norges Vel inviterer til digitalt kurs om fornybar energi i landbruket. Kurset går over to kveldar.
Nordre Gulen Bondelag og Gulen og Masfjorden Bondelag har slått seg saman.
- Eg vil oppmode alle som nyttar innleigd arbeidskraft til å setje av tid til å delta på eitt, eller aller helst delta på alle arbeidsgjevarkursa som vert tilbydd som webinar i januar/februar 2022, seier leiar i Grøntutvalet i Vestland Kari Sigrun Lysne.
Kva effekt har ein god frukost? Dette ville Vassenden skule finne ut av, med god hjelp frå Jølster Bondelag.
Det var rekord-oppmøte på Bondelagets Skattekurs i Eidfjord 8.-10. november.
Mot slutten av leiarmøtet vart det invitert til innleiingar og debatt kring mellom anna prisdanninga i norsk landbruksproduksjon.
- Så enkelt og så vanskeleg, men det er no kjekkare å gjere meir av det du likar å gjere, sa influensar Ingeborg Sol Fure i eit kreativt og tankevekkande innlegg på leiarmøtet til Vestland Bondelag
- Norges Bondelag må kjenne trykket nedanfrå og opp! Det er ikkje Bjørn Gimming som skal trykke frå oppe og ned, sa ein tydeleg Knut Tore Nes Hjelle i si innleiing til leiarmøtet i Vestland Bondelag
- Vi må peike på dei gode løysingane på vegen mot eit retningsskifte for norsk landbruk, sa leiar i Norges Bondelag Bjørn Gimming i leiarmøtet til Vestland Bondelag i Sogndal.
- Ved å stå saman har vi klart å sikre dei fire grunnpilarane for norsk landbruk, sa Anders Felde til leiarmøtet i Vestland Bondelag.
- Vi er berre kring 250 geitmjølkprodusentar att i Norge, men vi kan ikkje leve av å verte sett på som "søte maskotar" for heile norsk landbruk. Vi må ha inntekt og avsetning for produkta vår til liks med andre matprodusentar, sa leiar i Luster Bondelag Andreas Wiese då han møtte styret i Vestland Bondelag.
- Det var ein kjekk kveld med god og humoristisk landbruksfagleg diskusjon, sa Kjersti Hjelmeland om årsmøtet i Jondal Bondelag.
- Dette er ein prosess som har modnast over tid seier leiar i Luster Bondelag Andreas Wiese i ein kommentar til at årsmøta i dei tre lokale Bondelaga den 18. oktober gjorde vedtak om å slå seg saman.
Nye bønder frå heile fylket deltok på samlinga i Øystese 5.-6.november, og med rekordpåmelding var lista lagt for ei fantastisk kjekk samling.
Då bør du gjerne sjekke moglegheitene for å realisere draumen. Innovasjon Norge (IN) har fått nye retningslinjer frå og med år 2021 innan Verdiskapingsprogrammet for fornybar energi i landbruket. Det er opning for at IN kan gje støtte til varmepumper og solcelleanlegg under ordninga Fornybar energi i landbruket.
Asgeir Nøttveit held fram som leiar i Radøy Bondelag og nesten heile styret tok attval.
Davik og Ålfoten Bondelag sine medlemer held til i heile Bremanger kommune. Ein kommune med ein geografi og topografi som liknar eit Norge i miniatyr; frå Ålfotbreen i aust til yste Bremanger ut mot storhavet i vest.
1.-3.november vart det arrangert temadag og skattekurs på Quality Hotel Sogndal med god deltaking.
I sitt endringsforslag til budsjett for 2022 føreslår regjeringa 200 millionar kroner ekstra i investeringsverkemiddel til landbruket.
Med sine 22 år er Asgeir Presttun (midt i biletet) truleg den yngste leiaren av eit lokallag i Vestland. - Skikkeleg kjekt når unge bønder tek på seg leiaransvaret i lokallaget seier Ole Bjarne Hovland som representerte fylkeslaget i årsmøtet.
Alle lokallaga i Kvinnherad var invitert til felles samling i Rosendal. Dei som ville kunne ha årsmøte etter den felles delen av programmet.
Margun Myrmel Øren held fram som leiar i Gaular Bondelag. Ho er glad for at det møter opp fleire yngre bønder i årsmøtet. Det set vi stor pris på.
På årsmøtet i Fusa Bondelag i slutten av oktober gav leiar Lars Inge Vik stafettpinnen vidare til Inge Gjerdevik som ny leiar i lokallaget.
- Jammen arbeider vi i eit langstrakt og mangfaldig fylke seier styremedlem Gry Ingvild Agjeld som fekk gleda av å reise heilt sør til Tysnes for å møte tillitsvalde og medlemer i Tysnes Bondelag
Det var både tydelege tilbakemeldingar med alvorleg innhald og godt humør då organisasjonssjef Lars Peter Taule deltok på årsmøtet i Viksdalen Bondelag sist veke
Vestland Bondelag vil i samarbeid med Kvinnherad kommune invitere mjølkebønder i Kvinnherad og omland til gratis kurs i klimatilpassing og klimakalkulator. Nytt: Kurset er utsett til etter jul.
