Inntekt på nivå med andre
- Vi må peike på dei gode løysingane på vegen mot eit retningsskifte for norsk landbruk, sa leiar i Norges Bondelag Bjørn Gimming i leiarmøtet til Vestland Bondelag i Sogndal.
Leiaren i Norges Bondelag takka for innsatsen som heile organisasjonen har gjort gjennom sommaren fram til valet. Stikkord i bodskapen i frå jordbruket gjennom sommaren var samla i:
- Landbruksløftet
- Inntektsløftet
- Investeringspakke utanom jordbruksavtalen for å forsert ombygging frå bås til lausdrift
Gimming peika vidare på Hurdalsplattformen som eit godt utgangspunkt for ein snuoperasjon for norsk landbruk. I den finn vi det sterkaste inntektsmålet i ein regjeringsplattform sidan 1970-talet.
Tilleggsproposisjon til Statsbudsjettet for 2022 er starten på ein naudsynt kursendring
Gimming peika på følgjande element i tilleggsproposisjonen til statsbudsjettet som starten på ei kursendring for landbruket :
- Tilleggsforhandlingar med kostnadskompensasjon på 754 millionar til næringa
- Investeringspakke på 200 millionar utanfor jordbruksoppgjeret
- Auka jordbruksfrådrag
Bjørn Gimming er leiar i Norges Bondelag. Leiarmøtet i Vestland Bondelag set pris på å få besøk av leiaren.
Andre tema som leiaren i Norges Bondelag kom inn på var:
- Gryttenutvalet - fagutval som ser på inntektsdanninga i landbruket, Skal levere rapport i juli 2022 for korleis få til eit system som er eigna til å måle på nivå. Krevande arbeid, men viktig at det vert system som kan stå seg over tid.
- Kronemessig lik inntektsutvikling som andre grupper med tetting av inntektsgap opp på der
- Kva skjer når det kjem meir pengar inn i næringa? "Klarar du å la hammaren ligge slik at løna gå opp?"
- Investeringsverkemiddel - skuffa over SV som nok ein gong skyv investeringane attende til jordbruksoppgjeret. Skal vi få med dei små og mellomstore bruka framover treng vi meir midlar til investering.
- Bruke importvernet - styrke bonden si stilling i verdikjeden
- Val mellom prosenttoll og kronetoll
- Må for all del unngå eit svekka importvern
- Følgje opp framlegg frå handsaminga av daglegvaremeldinga
- Gje innspel til regjeringa si melding om marknadsmakt
- Prosjekt Inntektsvekst
- Samhandling i heile Norges Bondelag med solid jobbing over tid
- Tørre å spørje nye medlemer
Kring 55 representantar frå lokallaga i Vestland, fylkesstyret og gjester frå Norges Bondelag sentralt er samla til leiarmøte i Sogndal.