Godt frammøte på årsmøtet i Gaular Bondelag
Margun Myrmel Øren held fram som leiar i Gaular Bondelag. Ho er glad for at det møter opp fleire yngre bønder i årsmøtet. Det set vi stor pris på.
Årsmøtet i Gaular Bondelag vart gjennomført på Tønna i Bygstad og det møtte i underkant av 30 medlemer. Lokallaget har, trass i pandemi, vore aktive deltakarar i markeringane ved brotet i jordbruksforhandlingane og i politiske saker i kommunen. Dei ynskjer også å halde fram med skuleprodsjektet retta mot 8. klasse i grunnskulen.
Leiar Margun Myrmel Øren
Etterlyser hjelp til å følgje opp kommunale planer
Sunnfjord kommune er ein stor kommune, der fire tidlegare kommunar er slegne saman til ein kommune. Sunnfjord er den største landbrukskommunen i Vestland. Det medfører svært mange nye kommunale planer som det er viktig for landbruket å setje seg inn i og kome med innspel til. Leiaren i Gaular Bondelag gjev uttrykk for at dette er tidkrevjane og kunnskapskrevjande. Ho ettterlyste meir hjelp frå fylkeslegat til å kunne følgje opp alle planene. Nett no handlar det om den nye kommuneplanen sin samfunnsdel. Der vert det viktig å sikre opning for spreidd busetnad i distrikta. Må også få med eit avsnitt om jordvern og massehandtering.
Takk for innsatsen i styret til Audun Bringeland og Nils Arve Aase Styve som går ut av styret.
Margun Myrmel Øren t.v. saman med medlemer i styret ,Kjell Åge Birkeland, Britt Siri Leversund Hauken, Elisabeth Solheim Brekke (ny) Rune Espeland (ny) og ytterst til høgre Kjell Fauske