Siste måndagen i januar er blitt fast dato for stormøtet for landbruk
Lars Petter Bartnes blei i sommar valt som ny leiar i Norges Bondelag. Måndag kjem han til Varhaug på det årvisse landbruksmøtet, som bondelaga i Hå arrangerer i lag med Hå kommune og Sparebank 1 SR-Bank. Tida er da inne for at bønder og andre samlar seg i Varhaughallen for å drøfta landbrukspolitikk. I fjor blei det sett besøksrekord, arrangørane håper på like mange i år.
– Det er greitt å ha møtet på denne tida. Det er godt å få lufta litt meiningar når våren og jordbruksforhandlingane nærmar seg. Både Lars Petter Bartnes, leiare i Norges Bondelag og landbuks- og matminister Sylvi Listhaug bør trekkja mykje folk. Eg håper folk kjenner si besøkingstid og kjem, seier bondelagsleiaren Geir Erik Aanestad
Det blir også innleiing ved Ola Bekken, administrerande direktør i Felleskjøpet Rogaland Agder og Ordførar Mons Skrettingland (H) skal ønska velkommen, Tom Hetland er møteleiar.