Midlar til investering i beiteområde
Fylkesmannen har lyst ut midlar til investering i beiteområde. Søknadsfrist er 15. mai, og søknaden sendast kommunen.
Formålet er å leggje til rette for best mogleg utnytting av beite i utmark, redusere tap av dyr på utmarksbeite og fremje fellestiltak i beiteområda. Lag eller foreiningar som har beitedrift og skal investere i felles tiltak og/eller planleggings- og tilretteleggingsprosjekter i beiteområde, kan søkje. Målgruppa er beitelag, men der naturgjevne eller driftsmessige tilhøve ikkje legg til rette for samarbeid, kan også enkeltbeitebrukarar søkje.
Tiltaka skal i hovudsak vere stasjonære, sjølv om alle typar tiltak som fremjar beitebruk kan vurderast.
Aktuelle tiltak kan vere:
- Sanke- og skiljeanlegg
- Bruer dimensjonert for dyr og folk
- Sikring av skårfeste
- Gjetarhytter/sankehytter
- Driftsvegrydding, saltsteinsautomatar og elektronisk overvakingsutstyr
Søknad
Søknad sendast beitekommunen, søknadsfrist er 15. mai 2015. Bruk søknadsskjema og hugs naudsynte vedlegg.