Tilskot til klima- og miljøtiltak i jordbruket
Fylkesmannen i Sogn og Fjordane har 200 000 kroner til klima- og miljøtiltak i jordbruket for 2013. Søknadsfristen er 1. april.
Midlane skal kunne bidra til å nå følgjande mål for Sogn og Fjordane:
- Ta vare på og utvikle det opne og særmerkte kulturlandskapet
- Redusere ureining knytt til tap av næringsstoff frå jordbruksareal til luft og vatn
- Tilpasse landbruksdrifta til eit endra klima
- Halde nede forholdet mellom utslepp og binding av klimagassar i Sogn og Fjordane
Fylkesmannen vil prioritere praktiske og næringsretta prosjekt som kan spreie kunnskap om:
- Tiltak og tilskotsordningar for å hindre attgroing og for ivaretaking av kulturminne og biologisk mangfald i kulturlandskapet
- Gjødslingsplan og Miljøplan trinn 1 og 2
- Tiltak for å redusere og førebyggje ureining av vassførekomstar, særleg med tanke på P-status i jorda, lagring og spreiing av husdyrgjødsel og silopressaft
- Tiltak for å redusere utslepp av klimagassar frå vassmetta jord og husdyrgjødsel
- Klimatilpasningar i gras-, frukt-, og bærproduksjon i fylket
Kven kan søkje?
- Fag- eller næringsorganisasjonar
- Kompetansebedrifter, utgreiings- og forskingsmiljø
- Kommunar
- Regionale og lokale lag og foreiningar
Søknadsfrist 1. april
Informasjon om søknad og tildeling går fram av Fylkesmannen sine retningslinjer for klima- og miljøprogrammet.