Skattekurs på Skei
5. og 6.november var over 80 deltakarar frå samarbeidande rekneskapskontor samla på Thon Hotel Jølster for skattekurs.
Kvart år blir det arrangert skattekurs for tilsette ved samarbeidande rekneskapskontor. I år vart kurset arrangert på Thon Hotel Jølster, og kurshaldarane var Mari Cecilie Gjølstad og Pål Kristian Ormstad. Kursdeltakarane kom i hovudsak frå Sogn og Fjordane, men òg frå Møre og Romsdal og Hordaland.
Emna som vart gått gjennom var endringar i skatte- og avgiftslovene for 2019, jordbruksinntekt og anna næringsverksemd, GRFS, uføretrygd, leasing, tidfesting, bokføringsregelverket og Statsbudsjettet 2020.
Djupt konsentrert forsamling
Case-løysing med fargekodar
Godt å få strekke på beina og komme seg ut i sola mellom slaga.
Tysdag kveld var det duka for middag for deltakarane som budde på hotellet, og til underhalding kom distriktsmusikar Ole Nilssen med trekkspelet sitt. 26-åringen frå Løten vart kåra til "Årets unge folkemusikar 2018" og bur i dag på Skei og jobbar med musikk og folkedans til dagen. Nilssen fortalte historier mellom stykka, og hausta både latter og applaus frå tilhøyrarane.
Ole Nilssen i fint driv.
Kursleiarane Mari Cecilie Gjølstad og Pål Kristian Ormstad var godt nøgde med dagane på Skei.