Sette fokus på Biogass
Roar Gundegjerde held fram som leiar i Etne Bondelag. I årsmøtet vart det mellom anna fokusert på planar for eit biogassanlegg i kommunen.
Jan Kåre Pedersen frå Renevo deltok med orientering kring biogass. Han synte til at det ligg planar for 4 anlegg langs Hardangerfjorden med ein produksjonskapasitet på 295 Gwh. Kostnaden for anlegget i Etne er utrekna til 341 millionar og leveranse kan tidlegast skje våren 2024. Tørrstoffinnhaldet vil vere avgjerande for å kunne sikre økonomi i produksjonen. På denne nettsida kan du lese meir om anlegget i Etne.
Mange konkrete saker på agendaen
Elles i årsmøtet var det stor variasjon i tema på agendaen:
- Kva skjer eigentleg med utstillingsplassen?
- Renovasjonsavgifter på hytter i fjellet
- Korleis skal vi rekruttere fleire av dei unge av begge kjønn inn i lagsarbeidet? Etne Bondelag er eitt av dei større laga i Vestland og med ein medlemsmasse på 215 medlemer kunne det nok vore ynskjeleg med litt større oppmøte enn dei 14 som tok turen.
- Korleis sikre årlege erstatsningsutbetalingar for mastefeste og andre inngrep ?
- Nytt advokatkontor etablerer seg i Etne
- Trong for samanfall i dato vedrørande innmelding kjøp/sal av mjølkekvote og kunngjering av forholdstal i mjølkeproduksjonen
Styremedlem Knut B. Hauso representerte fylkeslaget i møtet og han tykkjer det var interessant å høyre om det engasjementet som deltakarane i møtet hadde for ulike saker. det vitnar om framtidstru og optimisme.