Set fokus på marknadsordningar og tollvern
- Det er flott at styreleiaren i Nortura, Sveinung Svebestad (biletet), vert med oss i fylkesårsmøtet for å innleie og utfordre kring marknadsordningar og tollvern, seier fylkesleiar Per Hilleren. Samstundes vert det interessant å høyre kva våre to Stortingsrepresentantar, Bjørn Lødemel frå H og Ingrid Heggø frå Ap svarar på utfordringane.
Fylkesårsmøtet vert skipa til på Skei Hotel den 8. og 9. mars. Debatten om marknadsordningar og tollvern er lagt til fredagen medan torsdagen er sett av til årsmøtesaker og drøftingar kring moglegheitene for å utvikle inntektsmoglegheitene for vestlandsbonden. Frå styret i Norges Bondelag deltek Trine Hasvang Vaag.