Regional FoU-satsing for landbruk og mat

Prosjektet har tilsatt Rakel Blaalid som kompetansemeklar. Ho har kontorstad på Landbrukstunet saman med Hordaland Bondelag.

Kontakt Rakel: rakel@samravest.no

Her kan du lese artikkelen frå nettstaden til Fylkesmannen og regjeringen.no:

Regional FoU-satsing for landbruk og mat

Landbruksorganisasjonene i vest satser på forskning og utvikling på særskilte utfordringar og moglegheiter i verdikjeda for landbruk og mat. 

Etter modell frå Midt-Noreg har Samarbeidsrådet for landbruket i Hordaland og Sogn og Fjordane initiert prosjektet «Grøn FoU Vest», med støtte frå Hordaland fylkeskommune og Fylkesmennene. Prosjektet skal bidra til styrking av konkurransekrafta i landbruket sine verdikjeder, og skal gå over ein periode på to år. 

Grøn økonomi

Landbruk er eit hovudinstrument i det grøne skiftet, og nytting av råstoff frå sektoren er avgjerande for å bygge ein grøn økonomi. I Vestlandsfylka Hordaland og Sogn og Fjordane er primærlandbruket og næringsmiddelindustrien viktige sysselsetjarar. Likevel er regionen underrepresentert kva gjeld utløysing av offentlige forskningskroner innan brukarretta forskingsprogram knytt til landbruksnæringen og industrien. Den nytilsette prosjektleiaren skal jobbe mot fleire næringsinitierte og næringsretta forskingsprosjekt basert på utfordringar og problemstillingar knytt til det vestnorske landbruket og verdikjedene rundt det. 

Særskilte utfordringar

Vestlandet har klima og topografi som gjer landbruk i regionen utfordrende sett i forhold til dagens landbrukspolitikk. Den grøne næringa får i tillegg avgrenset politisk merksemd regionalt, som næring og som produksjons- og utviklingsarena. Landbruket i vest er assosiert med små produksjonseiningar, låg lønsemd og lite mangfald- og utviklingspotensiale. Grøn FoU Vest tar sikte på å motverke negative trendar i det vestnorske landbruket gjennom å synleggjere kompetanse, ny teknologi og kunnskapsproduksjon. Bedrifter og produksjonsmiljø skal få hjelp til betre å arbeide fram aktuell problematikk og nytte forsking og utviklingsarbeid til auka verdiskaping. 

Verdikjedetenking

Enkelte område av landbruket, som td. grovfôrproduksjonen, dreier seg om interne tema innan eit produksjonsledd, medan andre område, som skog og trevirke, har ei lengre verdikjede som inkluderer foredling, sal og vidare bruk. Verdikjedetenking frå innsatsfaktorar og produksjon til foredling, distribusjon og sal er viktig for å identifisere flaskehalsar og vise og auke økonomien knytt til landbruksnæringa. Næringsmiddelindustrien er ein viktig og relevant industri og bør sjåast saman med alle område innanfor landbruksproduksjonen.

Kontaktperson:
Eirik Brynjelsen fmhoebs@fylkesmannen.no Tlf: 55 57 21 70.