Landbruk er beredskap
Utan ei berekraftig inntekt i norsk matproduksjon er det ikkje poeng i å snakke om auka matvareberedskap, sa generalsekretær Sigrid Hjørnegård i si innleiing på landbrukskonferansen i Førde
Sigrid Hjørnegård er ein av mange innleiarar på Landbrukshelga i Førde i regi av landbrukssamvirke Vest. Totalt 250 deltakarar er samla til to fullpakka dagar med fokus på landbrukspolitikk, marknad, framtid og ikkje minst god prat og sosialt samver.
Matproduksjon i beredskapsperspektiv
Beredskap har fått eit sterkare fokus i det norske politikkbiletet. Som innleiarar og debattantar hadde arrangørane henta inn styreleiar i Felleskjøpet og medlem i Totalberedskapskommisjonen: Anne Jødahl Skuterud, generalsekretær i Norges Bondelag; Sigrid Hjørnegård, leiar i Norsk Bonde- og Småbrukarlag Tor Jacob Solberg og Stortingsrepresentant Aleksander Øren Heen (Sp)
Det siste året har det kome to viktige dokument som peikar på norsk matproduksjon si rolle i beredskapen:
Totalberedskapskommisjonen: Nå er det alvor - Rustet for en bedre framdrift
Riksrevisjonen: Matsikkerhet og beredskap på landbruksområdet
Desse dokumenta er offentlege i ei tid der mange kjenner på utryggleik i ei uroleg verd. Det er eit auka fokus på beredskap og viktigheita av ein oppegåande norsk matproduksjon frå fleire enn landbruksnæringa sjølv. Dette må etterkvart materialiserast i ei betra inntekt for den norske bonden. Utan inntekt, ingen beredskap og ingen eigen matproduksjon i Norge kunne dei 4 innleiarane samlast om. - I ei tid då vi rustar opp det norske forsvaret må vi også ruste opp norsk matproduksjon, avslutta Hjørnegård som: Inviterte til felles innspel om totalberedskap
Anne Jødahl Skuterud t.v. og Sigrid Hjørnegård t.h.
Tor Jacob Solberg t.v. og Aleksander Øren Heen t.h.
