Kvotefri jakt på hjortekalv vert vidareført
- Det er bra at miljødirektoratet vidarefører ordninga med kvotefri jakt på hjortekalv, seier fylkesleiar i Vestland Bondelag Gry Ingvild Agjeld
Kommunar som opplever utfordringar med store bestand av hjort kan også i år søke om å kunne bruke verkemiddelet kvotefri jakt på hjortekalv.
Ordningen med kvotefri jakt på hjortekalvvert vidareført for jaktåret 2023/2024 . Bakgrunnen for ordninga er at fleire kommunar opplever utfordringar med store hjortebestand. Omfattande beiting på innmark gjev avlingstap for mange, og store bestandar kan over tid føre til dårlegare helsetilstand på hjorten.
Alle kommunar frå Trøndelag fylke og sørover kan søke om kvotefri jakt på hjortekalvar. Søknadsfristen er 15. mai.
HER FINN DU BREVET SOM MILJØDIREKTORATET HAR SENDT TIL KOMMUNANE
HER FINN DU MILJØDIREKTORATET SITT SVAR PÅ SPØRSMÅL OM ORDNINGA
- Eg vil oppmode lokallaga i kommunar som opplever store tap av avling grunna hjorten, om å vere vakne og gå i dialog med kommunen om å få tilgang tl dette verkemiddelet i hjorteforvaltninga, avsluttar Agjeld.
