Har du ein kandidat til årets BU-pris?
Kvart år deler Innovasjon Norge ut Bedriftsutviklingsprisen i landbruket. Er du eller veit du om ein kandidat til prisen?
Vestland Bondelag er representert i juryen, og vi vil gjerne ha inn mange forslag. Det vert kåra ein vinnar i kvart fylke som får 50 000 kroner. I fjor var det Gardsbrenneriet på Sandane som stakk av med BU-prisen i Vestland, og vi er spente på kven som får prisen i 2021.
Fylkesvinnarane deltek i konkurransen om den nasjonale prisen på 250 000 kroner.
Kandidatane vert vurdert etter følgjande kriterier:
- Berekraft
- Økonomisk resultat/lønsemd
- Sosialt som sysselsetting og ringverknader i lokalsamfunnet
- Miljømessig som utnytting av lokale ressursar, fremme av lokal kultur og reduserte utslepp
- Innovasjon/nyskaping
Informasjon om BU-prisen og påmeldingsskjema finn de her: Bedriftsutviklingsprisen i landbruket 2021 (innovasjonnorge.no).
Det er mogleg for andre enn bedriftseigar å melde på ein kandidat til prisen. Frist for påmelding er 15. juni.
I 2019 gjekk prisen til Lars Ingvald og Astrid Lien Folkedal (Hordaland) og Storfeprosjektet i Sogn og Fjordane.