Førebuing til jordbruksforhandlingane
I desse dagar har mange lokallaga studieringar der dei samlar seg om viktige punkt til jordbruksforhandlingane. I fjor medverka 27 lokallag til Hordaland Bondelag si uttale. Frist for innsending er 15.2.
Hordaland Bondelag får innspel både frå lokallaga og landbruksorganisasjonane. Fylkesstyret ser igjennom alle innspel, og saman med administrasjonen syr dei saman ei uttale som sendast til Norges Bondelag.
For å få oversikt over landbrukspolitikken og viktige tema, kan lokallaga gjennomføre ein studiering med studiemateriell laga av Norges Bondelag.
Kvart år inviterar Hordaland Bondelag landbruksorganisasjonane til drøftingsmøte om forhandlingane. Møtet er i regi av Samarbeidsrådet for landbruk i Hordaland og Sogn og Fjordane. Organisasjonane sender skriftlege innspel til bondelaget i etterkant av møtet.
Møtet i år var på Landbrukstunet onsdag 5. februar. Det møtte representantar frå Hordaland Sau og Geit, Norsvin, Fjørfelaget Vest og Nortura.
