- Enn så lenge går det veldig bra
Sauebonde Renate Rendedal går ei travel tid i møte.
TRAVEL BONDE: Renate Rendedal.
- I år har me cirka 70 sauer som skal få lam.
Det fortel Renate Rendedal, leiar i Balestrand Bondelag. Dei første lamma er alt kome på plass i fjøset i Vetlefjorden.
- Enn så lenge går det veldig bra.
Deler døgnet i to
FØDEVESKE: Her har Rendedal lagt dei viktigaste tinga ho treng til lamminga.
- Eg og sambuaren min deler døgnet i to. Eg tek nattvakta og første vakta på dagtid. Sambuaren min passar på gjennom ettermiddagen og kvelden.
Rendedal fortel at sambuaren er til fantastisk hjelp.
- Litt utfordringar tek han, men er det feilstillingar må eg trø til. Eg er på ein måte sjefsjordmor.
Ferdig i slutten av april
SENG TIL LAMMA: 5-åringen på bruket har laga senga.
- Lamminga skal vera over i slutten av april, seier Rendal.
Ho har vore bonde sidan 2013, og i år prioriterte Rendedal ein kort periode for lamminga.
- Eg har ikkje lam på alle, og så treng eg litt tid å hente meg inn før våronna startar for fullt.