Bruk ekstra midlar til opprydding etter Dagmar
- Årets SMIL pott, må setjast av til oppryddingsarbeid etter orkanen i julehelga, skriv Eid Bondelag i eit brev til kommunen. Grunneigarane rundt i kommunen har eit stort oppryddingsarbeid føre seg med å rydde opp i skogteigar og setje opp øydelagde gjerder. Dette er eit svært farleg og tidkrevjande arbeid,men likevel eit arbeid som må gjerast og mange plasser vere ferdig til beiteslepp i Juni, heiter det i brevet.
SMIL-midlane er tilskot som kommunene forvaltar til særskilde tiltak i landbruket sitt kulturlandskap. Bondelaget i Eid meiner at situasjonen no er så ekstraordinær at det må gjerast grep. For mange er det vanskeleg å bli ferdige med ryddinga på denne korte tida fram til beitesongen og må basere seg på innleigd hjelp. - Vi meiner det er eit godt og rettferdig forslag å nytteSMIL midlar til dette arbeidet. Då har og grunneigarane høve til å leige med seg kvalifisert arbeidskraft og bli ferdig til beitedyr og folk skal ta terrenget i bruk. Eid bondelag meiner det er urimeleg at den enkelte grunneigaren må ta denne kostnaden åleine. - Vi vil og oppfordre Eid kommune om å presse på,for å få meir statelege midlar til dette viktige oppryddingsarbeidet, heiter det i brevet frå Eid Bondelag til Eid kommune.