AgroNordVest startar i Loen
- Eg ser verkeleg fram til to gode dagar samna med yrkesbrør som vil noko med landbruket i fylket, seier fylkesleiar Per Hilleren i ein kommentar til at han i dag finn vegen til Loen for deltaking på AgroNordVest.
Meir enn 200 bønder vil samlast for fagleg oppdatering og sosial nettverksbygging. På programmet står samvirkedebatt, konsert med utdeling av pris til årets Matprodusent i fylket samt ein bolk med mange spanande fagtema på laurdag.
Det er flott å kunne samlast så mange, og vi kunne gjerne ha vore endå fleire seier Hilleren. Vi treng å stå saman og synleggjere viktigheita av landbruksnæringa for fylket vårt.