Samlingar for unge bønder
Hordaland Bondelag og Sogn og Fjordane Bondelag er med på å arrangere to samlingar for unge og nye bønder. I tillegg er Bondelaget med på eit kurs om eigarskifte i Bergen.
Er du ung, har nyleg overteke eller skal overta gard? Bli med på seminar, treff andre likesinna og ikkje minst få fagleg påfyll i to innhaldsrike dagar! Den første samlinga er på Skei 18.-19. oktober og er eit samarbeid med Felleskjøpet Agri, Nortura og Tine. Tilsvarande samling vert arrangert i Bergen 31. januar til 1. februar.
På programmet står mellom anna klima, dyrevelferd, fôrutvikling, HMS, økonomi og ny teknologi. Det vert også tid til eit gardsbesøk. Du kan sjå heile programmet her: Ung bonde-samling på Skei.
1. oktober arrangerer Tveit Regnskap eit kveldskurs i eigarskifte på landbrukseigedom. Kurset er i Bergen. Bondelaget er med på kurset og kan svare på spørsmål. Du finn program og meir informasjon på nettsida til Tveit Regnskap.