Markens Grøde i Fusa
Laurdag 30. september var det tid for det årlege arrangementet Markens Grøde i Fusa. Det lokale bondelaget var på plass for å vise fram landbruket i kommunen.
Småkalvar å sjå på og råmjelkslappar steikte på bålpanne var populære innslag på standen til Fusa Bondelag. Det var masse folk innom standen for å smake på lappar og klappe kalvar. Dei fekk også med seg informasjonsmateriell om bondelaget og bondeyrket.
Tine stilte med flotte ambassadørar som delte ut smaksprøvar på nye produkt. - Det var veldig kjekt å ha dei saman med oss, seier leiar i Fusa Bondelag, Lars Inge Vik. Han var nøgd med dagen - Bondelaget fekk vist seg godt fram, seier han. -Flott dag i Eikelandsfjorden!