Lyser ut midlar til korte kompetansehevande kurs i landbruket
Sogn og Fjordane fylkeskommune har som tidlegare år motteke 1,6 millionar i statlege tilskotsmidlar til styrking av rekruttering, likestilling og kompetanseheving i landbruket. Noko av desse midlane vert i desse dagar lyst ut med søknadsfrist måndag 22. april.
Det vert lyst ut midlar til korte kompetansehevande kurs innan tradisjonelt landbruk og bygdenæringar. Søknader må innehalde målgruppe, mål om tal kursdeltakarar, kursplan og finansieringsmåte. Der det er naturleg bør fleire tilbydarar samarbeida om søknaden.
Søknad skal sendast Sogn og Fjordane fylkeskommune, opplæringsavdelinga v/ rådgjevar Knut Grinde.
Fristen er måndag 22. april.
Prioriteringar i tildelingsprosessen:
- generelle rekrutteringstiltak i landbruket
- produksjonskurs innan grovfôr, frukt/bær og skogbruk vil også ha høg prioritet
- bygdenæringstiltak, for å henta inntening frå næringar utanom jord- og skogbruk
- det skal takast omsyn til kvinner si deltaking i dei ulike tiltaka
Ved spørsmål angåande utlysinga og søknad, ta kontakt med rådgjevar Knut Grinde, opplæringsavdelinga,e-post: knut.grinde@sfj.no eller telefon: 57 65 62 17.