Lars Istad er ny leiar i Voss Bondelag
Bulken-Evanger Bondelag og Voss Bondelag avvikla årsmøte i går. Bjørne Røthe held fram som leiar, medan Lars Istad tek over leiarvervet etter Ole Jørgen Rio.
Bjørne Røthe har vore leiar i Bulken-Evanger Bondelag sidan 2003, men har ikkje tenkt å gje seg enno. Han tok attval på årsmøtet i går.
Ole Jørgen Rio har vore tillitsvald i styret i Voss Bondelag like lenge, og har leia laget sidan 2008. Han ga leiarvervet vidare til Lars Istad. Lars var leiar i Voss Bondelag før Ole Jørgen tok over, med unntak av eitt år der Olav Rio Holstad var leiar. Lars har også vore nestleiar i Hordaland Bondelag.
Dei to lokallaga hadde årsmøte kvar for seg før dei møttest til middag og underhaldning. Lokallagsleiar i Vossestrand Bondelag, Trond Olav Neteland, viste bilete og fortalde frå leiarmøteturen til Romania. Leif Arne Lirhus var utsending frå fylkesstyret.