Inviterer til:
- Eg er glad for at vi har fått til denne møtekvelden der vi set fokus på psykisk helse, seier leiar i Oppstryn Bondelag Rolf Olav Gjørven
Oppstryn Bondelag, i samarbeid med Mental helse, Leve, Frivilligsentralen i Stryn, Voksne for barn og Røde Kors inviterer til foredrag med Oddvar Vignes i Stryn kulturhus måndag den 13. november klokka 19:00
Vignes er Rogalending og deler ope frå eigne erfaringar den gong livet var vanskeleg. Foredraget tek utgangspunkt i eige liv og gard, masteroppgåve og nylege hendingar i mediene, og vert formidla med eit stort glimt i auga. Tema som vart omhandla er mellom andre generasjonsskifte, forhaldet til tilsynsmyndigheiter, eigenrevisjon og kva det vil seie at noko er godt nok.
- Eg håpar at mange finn vegen til Stryn kulturhus den 13. november, seier lokallagsleiar Rolf Olav Gjørven som også er styremedlem i Vestland Bondelag.
