Frukostaksjon: Yogurt til bergensarane
- Etter uttrykka å døme, sette forbipasserande pris på å få yogurt med seg på vegen . Mellom anna ordførar Trude Drevland i Bergen kommune: Oh, det skal smake, so ho, etter ein kort drøs i rådhusdøra.
Hordaland Bondelag tok oppstilling på Festplassen og utafor Bergen rådhus, som del av Norges Bondelag si landsdekkjande frukostmarkering.
- Målet var å gje bergensarane ei lita oppmuntring på morgonkvisten, og å markere norsk matproduksjon. Vi veit at forbrukarane set pris på norsk, kortreist mat. Ved å dele ut ein liten smakebete, ville vi seie takk til alle som støttar opp om produksjonen vår. Og det var kjekt å registrere blide ansikt og positive kommentarar frå forbipasserande, fortel Frøydis Haugen, nestleiar i Hordaland Bondelag, etter markeringa
Utover i veka vil lokale bondelag følgje opp med utnemning av "Bondevenner". Først ut er Sveio Bondelag og bondelaga på Stord, som held markering i dag (onsdag 10. april). Fitjar Bondelag føl opp i morgon, medan bondelaga i Nordhordland har arrangement til helga. Følg med, vi tek sikte på god dekning, spesielt på facebook.