Årets lokallag er Fusa Bondelag
Kvart år kårar Hordaland Bondelag årets lokallag. I år var det Fusa Bondelag som fekk tittelen, diplom og 10 000 kr. Dei går vidare til den nasjonale kåringa i Norges Bondelag.
Her er grunngjevinga som fylkesleiar Frøydis Haugen leste opp under årsmøtemiddagen:
Det lokallaget som får tittelen i år, har hatt god aktivitet over fleire år, og god progresjon. I år har dei markert seg med presseoppslag, lesarinnlegg og aktivitet i lokalmiljøet.
Laget har hatt kontakt med lokalpolitikarar, mellom anna ved å orientere kommunestyret om landbrukspolitikk. For å auke rekrutteringa til bondeyrket, har dei stilt på utdanningsmesse, der dei synte kalving ”live”.
Dei har hatt fleire møte med kommunen om ulike tema, er med i faggruppe og har sendt fleire høyringssvar. Dei har tatt initiativ til nettverksbygging i kommunen. Dei har vore med på alle kampanjer arrangert av Norges Bondelag. Dei kåra ti Bondevener, delte ut Matvalbrosjyra og arrangerte Open Gard i fjor.
Dei har hatt fleire gode presseoppslag og lesarinnlegg i avisa.
Årets lokallag er: FUSA BONDELAG
