Amandaprisvinnar er Bondevenn
Øyvind Sandberg, filmregissør og skapar av suksessen Folk ved fjorden, fekk utmerkinga Bondevenn for framifrå og varm formidling av bondekultur og lokal matproduksjon.
Bondelaga i Lindås står bak utmerkinga, og troppa opp i tunet til Sandberg med T-skjorte og hjortepølse.
- Bondevenn er ikkje ein Amandapris, akkurat, men likevel ei utmerking som fortel at me verkeleg set pris på merksemda Sandberg har skapt gjennom Folk ved fjorden. Berre det å kome på å lage ein slik film, er storveges, kommenterer Roar Angelskår, leiar i Eikanger Bondelag, etter overrekkinga.