Voss Bondelag er årets lokallag
Kvart år kårar styret i Hordaland Bondelag årets lokallag. Lokallaget går vidare til den nasjonale kåringa i Norges Bondelag.
Voss Bondelag har aktivitetar for medlemene, dei engasjerer seg i lokalmiljøet og har tett kontakt med politikarar. Dei er synlege både under kampanjar, aksjonar og med arrangement som Open Gard. I fjor stilte heile styret på organisasjonskurs.
Lokallaget stiller alltid opp på fylkesarrangement, både dei ordinære og ekstraordinære. Under Oste-VM tok dei i mot ein busslast med dommarar på garden til Lars Istad. Dommarane fekk servering og informasjon om garden og norsk landbruk. Voss Bondelag var også årets lokallag i 2010.