Kva for ein bonde er du?
Bybonde, Framtidsbonde, Bondevenn, Bondespira, Skapbonde eller rett og slett Bonde? Bondelaget sin kampanje i år går ut på å finna sin indre bonde. Er du ikkje sikker, vil eit spørjeskjema hjelpa deg på rett veg.
F
ørre veke arrangerte Bjørnefjorden Landbrukskontor inspirasjonsmøte for Landbruk i Bjørnefjordsregionen. Under middagen fekk dei vel 30 middagsgjestene sjansen til å finna ut av kva for bondetype dei er. Fusa Bondelag stilte med bonde-quiz, og alle fekk kvar sin Bondebutton med seg heim.
Møtet føregjekk på Skjelbreid-Poiree sine flotte lokale og omgjevnader. Bondelaget må gje full honnør til initiativtakar. Me syntest det er flott at ein med dette prøver å setja fokus på arbeidsplassar i landbruket,
og inspirera nye til å satsa på jorda og tunet som leveveg.
Nesten alle meiner at matproduksjon og landbruk er viktig i Noreg. Med denne kampanjen vil me i bondelaget setja fokus på akkurat dette. Møter du på oss i nærområdet, får du sjansen til å visa at du støtter oss. Buttons til alle (så langt behaldninga rekk).
(Bjørnefjorden Landbrukskontor dekker kommunane Fusa, Samnanger, Tysnes og Os.)
Tekst og bilete ved Fusa Bondelag
