Midlar til landbruksrelatert næringsutvikling i 2015
Innovasjon Norge disponerer 13,51 mill. kr til investering og bedriftsutvikling i Aust-Agder. I tillegg kjem låneramme som grunnlag for rentestøtte, 24,1 mill. kr
Fylkesmannen i Aust-Agder har til fordeling 1,94 mill. kr til utgreiings- og tilretteleggingstiltak.
Tilskota er verkemidlar for å nå måla i landbrukspolitikken:
- matsikkerheit
- landbruk over heile landet
- auka verdiskaping
- berekraftig landbruk
Regionalt næringsprogram for Aust-Agder og Vest-Agder gir føringar for korleis Fylkesmannen og Innovasjon Norge prioriterer mellom søknadar om midlar.
Fylkesvise utgreiings- og tilretteleggingsmidlar kan Fylkesmannen gi til organisasjonar, institusjonar, kommunar og ulike former for samarbeidsorgan – hovudsakleg innanfor landbruket – for å understøtta landbruket og ny næringsverksemd i fylkene. Fylkesmannen behandlar søknadane fortlaupande gjennom året – fram til 1. desember.