Stad: Gjermundnes vidaregåande skule

Tid: Tysdag 4. desember 2018

Påmelding innan fredag 30.november på tlf 90 95 47 87 eller moreogromsdal@jordvern.no

Møteleiar: Kolbjørn Gaustad

PROGRAM:

10.30:   Registrering, kaffi og rundstykker

11.00:   Opning v/Kolbjørn Gaustad, leiar Jordvern Møre og Romsdal

11.15:   Fylkesmannens oppfølging av nasjonal jordvernstrategi v/Tormod Meisingset, rådgjevar landbruksavdelinga, Fylkesmannen i Møre og Romsdal

11.45:   Kva er dei store sakene i forhold til jordvern ? -  og korleis skal landbruket ta betre vare på matjorda? v/Toril Wikesland, seniorrådgjevar Norges Bondelag

12.30:   Lunsj/matpause

13.30:   Jordmassar — frå problem til ressurs. Handbok i bruk av overskotsmassar til utviding eller forbetring av dyrka jord v/Olav Martin Synnes, rådgjevar jordbruk, Norsk Landbruksrådgiving Vest SA

14.10:   Jordvern og arealforvaltning.  – Innlegg, orientering og diskusjon. Med ordførarar i Romsdalsregionen: Geir Inge Lien, Vestnes kommune, Bernhard Riksfjord, Aukra kommune, Tove Henøen,  Fræna kommune, Odd Helge Gangstad, Midsund kommune, Rolf Jonas Hurlen, Nesset kommune

15.30:  Avslutning

Målgruppe: Politikarar, forvaltning og administrasjon i kommunane, bønder, grunneigarar og andre interesserte.

Arrangør: Jordvern Møre og Romsdal i samarbeid med Landbruksmuseet for Møre og Romsdal, Fylkesmannen i Møre og Romsdal,  Møre og Romsdal Bondelag, Møre og Romsdal Bonde- og småbrukarlag.

Deltakaravgift: Gratis for medlemar i Jordvern Møre og Romsdal. Ordinær deltakaravgift kr 225, inkl lunsj.

 

Kontaktinformasjon og påmelding innan fredag 30. november til:

Leiar Jordvern Møre og Romsdal: Kolbjørn Gaustad, tlf 916 97 602 , k-gausta@online.no 

Sekretær Jordvern Møre og Romsdal: Atle Frantzen, tlf 909 54 787, moreogromsdal@jordvern.no

www.jordvern.no

Bakteppet for konferansen er at Møre og Romsdal i 2017 var på verstingtoppen i vedtak om nedbygging av matjord i Norge. Same veka som konferansen skal haldast skal dessutan næringskomiteen gje innstilling til Stortinget om revidert jordvernstrategi.

Verdas Jorddag, eller World Soil Day, er blitt til etter initiativ frå FN sin organisasjon for ernæring og landbruk, FAO. Målet er å setja fokus på verdien av å halda matjord frisk og i god stand, samt at det er viktig å forsvara matjord som grunnleggjande viktig for matforsyning og beredskap. Denne dagen blir det, i regi av mange aktørar, gjennomført ulike arrangement over heile verda. I Norge er det ingen som har tatt overordna ansvar for markering av dagen. Jordvern Møre og Romsdal står som arrangør av konferansen på Gjermundnes, i samarbeid med Fylkesmannen i Møre og Romsdal og fleire andre aktørar.

Fakta om jordvern, matforsyning og beredskap:

  • -Kun 3% av Norges landareal er matjord.
  • -I 2017 var Møre og Romsdal på verstingtoppen i forhold til omdisponering av matjord til andre formål. Då vart 734 da vedtatt nedbygd. Det tilsvarer 188 fotballbaner.
  • -Som ein del av vedtatt jordvernstrategi fastsette stortinget Stortinget i 2015 mål om at omdisponeringa av dyrka jord må være under 4000 da innan 2020.
  • -Næringskomiteen presenterer framlegg til revidert jordvernstrategi for Stortinget tirsdag 4.12., same dag som konferansen på Gjermundnes.
  • -Det meste av nedbygginga av matjord i Norge er knytt til bustadbygging og samferdsel.
  • -Det er kommunane sitt ansvar å sikra jordvernet sin plass i samfunns- og arealplanlegginga.
  • -1/3 av all matjord i verda har, av ulike grunnar, fått forringa kvalitet.
  • -FN anslår at matproduksjonen må aukast med 60% for å sikra verdas befolkning tilstrekkelig med mat innan 2050