Velkomen til Konsmo
Folketalet i Konsmo vert truleg mangedobla i løpet av fredagen den 11. desember. Dette er dagen då det vert skipa til landbrukspolitisk møte i Konsmo Fleirbrukshall. Dette er dagen då hundrevis av bondevener frå Agder og Rogaland skal samlast til kraftfullt ordskifte - under same tak. (foto: øystein moi )
Øveskrifta på møteinvitasjonen lyder slik: " Høge priser på leigejord og kvote - er dette uttrykk for optimisme eller er det eit trugsmål mot næringa ..?"
Mykje godtfolk er venta til Konsmo denne føremiddagen. Me kan raskt nemne leiaren i Norges Bondelag, Lars Petter Bartnes - styreleiaren i Tine, Trond Reierstad - styreleiaren i Nortura, Sveinung Svebestad - styreleiaren i Norsk Landbruksrådgiving, Bjørn Mathisen - rådgjevar i Innovasjon Norge, Kjell Bruvoll og styreleiar i Vest-Agder Bondelag, Tor Erik Leland.
Det vert sett opp eigen busstransport frå Rogaland med avreise frå Sandnes klokka 07:15.
Ingen skal reise svoltne frå Konsmo. Det vert servert jolegraut, gløgg - og sjølvsagt vert det høve til å smake på eit rikeleg utval av Tine sin framifrå produkt.