Øyvind smiler - med god grunn
Tysdag kveld var det samling på låven hjå den økologiske mjølkebonden Søren Hodne, heilt sør i Evje & Hornnes kommune. 25 bondevener tok bordsete i den tidlegare høyløa. På timeplanen stod oppsummering av messa Naturligvis 2015. Dagleg leiar Øyvind Nese serverte sauepylser frå Lillesand med tilhøyrande heimelaga potetsalat. Øyvind smilte heile kvelden. Han var i godlag. Med god grunn. ( foto: øystein moi )
Naturligvis 2015 slo alle tidlegare rekordar. Vergudane var på arrangørane si side. Meir enn 12000 personar innanfor portane. Utstillarane var nøgde, publikum var nøgde, arrangørane var nøgde - og då kan ein vel eigentleg ikkje forlange så mykje meir....
Takk til alle som på sin måte gav sitt bidrag til denne årvisse folkefesten. Utan hundrevis,ja truleg fleire tusen, dugnadstimar hadde ikkje dette let seg gjere.
Planleggjinga av neste års messe er alt i full gong - og sit du me tankar om kva som kan gjere Naturligvis 2016 endå betre, endå meir interessant for allmogen - ja då høyrer me gjerne frå deg.