Dei vart heidra av sine eigne
Agder Bondelag har skipa til sitt årvisse leiarmøte. På gjestelista fann me mange gilde og høgtståande folk. Me kan m.a. nemne Amund Johnsrud, Bodil Fjelltveit, Statsforvaltaren på Agder og ein umåteleg populær stortingsmann. Dei verkeleg heidersgjestane kom likevel frå Flekkefjord og Sirdal
I løpet av få dagar har Tor Arne Liland (t.v.) og Ståle Haukelid (t.h.) verva kring 50 nye medlemmer til Bondelaget. Nøyaktig tal er vanskeleg å stadfeste, for dette endrer seg frå time -til time. Desse to gutane tek nemleg aldri fri frå verveoppdraget. Korkje natt eller dag.
Dette medfører likevel at i skrivande stund så er Agder best i heile lande når det gjeld verving på fylkesnivå - medan Flekkefjord Bondelag toppar den nasjonale statistikken når det gjeld lokallag.
Denne helga fekk desse to "gullgutane" sin velfortente heider framføre ein fullsett møtesal på Dyreparken Hotell i Kristiansand.
Du finn fleire bilete frå leiarmøtet på vår Facebookside
