Bli med oss på tur
Agroteknikk er Norges største landbruksutstilling. Messa vert skipa til på Lillestrøm kvart tredje år, og 26.-29. november 2015 er det klart for den største utstillinga nokon gong. Ingen grunn til å site heime i godstolen. Bli med Bondelaget og Tine på ein himlande gild fagtur. Eit sosialt høgdepunkt.
"Turkomiteen" hjå både Tine - og Bondelaget / Agderkontoret held i desse dagar på med å sy i hop eit opplegg som vonleg vil falle i smak hjå trugne bondevener, og deira næraste pårørande, frå heile Sørlandet.
Så snart programmet er ferdig, så snart hotellroma er bestilt - og så snart transportøren he underteikna ein høveleg samarbeidsavtale - så vil medlemmer i Bondelaget, og venekrinsen tilhøyrande Tine, få tilsendt både program og påmeldingsskjema.
Du bør alt no finne fram almanakka og krysse av desse dagane i slutten av november. Ein betre start på adventstida kan du vanskeleg tenkje deg ..
Her kan du lese meir om landbruksmessa på Lillestøm.
foto: øystein moi