Valnemnda innstiller på attval av Per Hilleren
- Det er ei samrøystes valnemnd som innstiller på attval av Per Hilleren som fylkesleiar i Sogn og Fjordane Bondelag, seier leiar i valnemnda Kathrina Flo.
Valnemnda gjev også fornya tillit til styremedlemene Marit Flatjord og Nils Magne Gjengedal for 2 nye år. Marit Flatjord er også innstilt for 1 nytt år som nestleiar i fylkeslaget. - Valnemnda har ikkje funne grunn til å gjere dei store endringane dette året, held Flo fram. Vala skal gjennomførast på årsmøtet i Sogn og Fjordane Bondelag på Skei den 8. og 9. mars.
Valnemnda i Sogn og Fjordane Bondelag, f.v. Jan Arve Midtbø, Anne Moen, Lars Egil Viken, Kathrina Flo, Hermund Alme og Margunn Myrmæl Øren, har lagt fram si innstilling fram for fylkesårsmøtet