Open Gard i Sveio
Rundt 300 besøkjande tok turen til Open Gard i Sveio i går. Sveio Bondelag fekk hjelp av Skåre Bondelag, Bygdeungdomslaget, 4H og Bygdekvinnelaget til det vellukka arrangementet.
Styremedlem i Hordaland Bondelag, Anne Holter Vae, deltok på arrangementet på Einstapevoll gard i Sveio. Garden vert halden i hevd av Andres Blytt og kona Elin.
- Dei hadde mange aktivitetar å tilby barnefamiliane som kom, seier Anne. Både hesteskokasting, mjølkespannkasting og natursti var populært.