Årsmøte i Norges Bondelag
Hordaland Bondelag er godt representert på årsmøtet i Norges Bondelag denne veka. Fylkeslaget har mellom anna sju utsendingar og eit medlem i valnemnda.
Utsendingane frå Hordaland er: Kari Heggenes Kvammen, Bodhild Fjelltveit, Lars Bø, Peder Nernæs, Knut Byrkjenes Hauso, Marianne Nordhus og Tonje Yddal. I tillegg er fylkesleiar Frøydis Haugen og organisasjonssjef Lars Peter Taule, samt Bjarte Naterstad frå valnemnda.
Bodhild Fjelltveit var på talarstolen og snakka om urbant landbruk, medan Lars Bø snakka om kraftfôrkrevjande produksjonar i distrikta. Peder Nernæs tok opp telledatoar og driftsvansketilskot.