Forhandlingar på overtid
Fristen for ei avklaring i jordbruksforhandlingane er fredag kveld, men forhandlingane held fram.
Det har vore lange og tøffe dagar for forhandlingsutvalet til Norges Bondelag. Heller ikkje fredag 13. mai har bondeorganisasjonane og staten komme til ei avklaring. Jordbruksforhandlingane held no fram på overtid utover natta. Ei avklaring er venta laurdag.
- Les også: Har forhandla heile natta
- Les også: Jordbruket starter forhandlinger
Då har det gått ei veke sidan Norges Bondelag og Norsk Bonde- og Småbrukarlag og staten starta prosedyregjennomgangen og opptrappinga til årets jordbruksforhandlingar. Fredag kveld har dei reelle forhandlingane pågått i fire lange dagar.
- Vi går inn i dette med klare forventningar om at regjeringa viser betydeleg forhandlingsvilje. Forhandlingsvilje er heilt avgjerande for å møte jordbrukets krav, og for å komme fram til ein jordbruksavtale, sa Lars Petter Bartnes då bondeorganisasjonane varsla 6. mai at dei ville møte staten til forhandlingar.
- Les også: Nøkkeltall fra statens tilbud
Helga og måndag vart brukt til prosedyregjennomgang. Årets jordbruksforhandlingar skulle bli avslutta i dag, fredag 13. mai, men forhandlingane held altså fram.