Vurderer samanslåing med Jølster Bondelag
- Vi vert færre aktive bønder som skal ta ansvar for mange verv, seier leiar i Stardalen Bondelag Nils Kjøsnes. Dette har utløyst ein diskusjon om samanslåing med Jølster Bondelag held han fram.
På årsmøtet i Stardalen Bondelag var det ein innleiande diskusjon på om Stardalen Bondelag skal slåast saman med Jølster Bondelag. Styret i lokallaget har fått arbeidet med å utgreie saka vidare i førekant av komande årsmøte i 2022.
Smilet sat laust hos medlemene i Stardalen Bondelag, som har gjeve styret sitt i oppdrag å utgreie samanslåing med Jølster Bondelag.
Stardalen Bondelag er ikkje det einaste laget som har slike drøftingar gåande. Berre hausten 2021 har følgjande lag vedteke å slå seg saman med andre lag.
- Nordre Gulen Bondelag er lagt ned og medlemene er melde inn i Gulen og Masfjorden Bondelag
- Hafslo, Indre Hafslo og Luster Bondelag har slege seg saman til Luster Bondelag
- Stryn Bondelag er lagt ned og medlemene er melde inn i Oppstryn Bondelag
- Medlemene i Meland Bondelag vert melde inn i Eikanger Bondelag
Desse endringane gjer at det ved slutten av 2021 er 74 lokale Bondelag i Vestland. Stort eller lite; kvart lag er viktig for å kunne synleggjere Bondelaget lokalt og for å kunne vere med og påverke avgjerdsprosessar i kommunane og i eigen organisasjon.
