Lokallagsmøte om næringspolitikk
Ølve/Hatlestrand Bondelag, Strandebarm-Tørvikbygd Bondelag og Fusa Bondelag arrangerte ope møte i går, der fokus var på enkel innføring i næringspolitikk.
Rundt 20 personar møtte opp på konferansesenteret Skjelbreid Poirée i Fusa. Leiar i Hordaland Bondelag, Frøydis Haugen, gav ei innføring i næringspolitikk og dei landbrukspolitiske berebjelkane. Møtet hadde tittelen "Kva inneber næringspolitikken for deg?".
Næringspolitikk er ein viktig del av arbeidet i Bondelaget på alle nivå. Det er eit vanskeleg fagfelt, men det er viktig at bøndene skjøner politikken som legg grunnlaget for arbeidsplassen deira.
- Frøydis var engasjerande og det vart tilløp til oppheta diskusjon, sa lokallagsleiar Peder Nernæs etter møtet.
Landkreditt Bank sponsa møtet, og deltakarane fekk informajon om kva banken kan tilby medlemer i Bondelaget.