Etne Bondelag møtte Krf sin første og andrekandidat til fylkestingvalet på garden til Johannes Silde. Anne Holter Vae frå fylkesstyret i Hordaland Bondelag hadde med dravle, laminerte kuvett-reglar og gode innspel til Trude Brosvik og Tor Andre Ljosland. Ho fekk snakke med listetoppane om mellom anna importvern og utmarksressursar.

- Det er dramatisk for mjølkebødene at Jarlsberg-produksjonen, som utgjer 7 % av avsetninga på norsk mjølk, vert stoppa, sa Anne. - Importen av ost og yoghurt frå til dømes EU aukar, og det er urovekkjande for norske bønder.
 
Politikarane lova at dei skulle bringe oppmodinga om å passe på importvernet vidare til Mat- og landbruksminister Olaug Bollestad.
 
Anne snakka også utmarksressursar og beite, og at det er viktig å nytte dei resurrsane vi har til matproduksjon. Ja til landbruk i heile landet!
 
Johannes Silde til høgre fekk besøk av politikarar på garden
Importvern og utmarksressursar er viktig for den nye generasjonen med bønder