Klima- og miljøprisen for landbruket
Fylkeskommunen har i samarbeid med Statsforvaltaren etablert ein klima– og miljøpris for landbruket i Vestland. Prisen vert delt ut for første gong i 2022, og er på 30 000 kr
Prisen skal heidre nokon som har gjort ein ekstra innsats anten det siste året eller over tid, ved å formidle eller ta i bruk løysingar som er klima- og miljøvennlege. Løysingane må også fremje naturmangfald.
Alle kan nominere kandidatar, iog fristen er 28. februar.
Kven kan nominerast?
Gardbrukarar, skogbrukarar, mindre organisasjonar, kommunar, næringsverksemder og FoU-verksemder, lag og andre former for fellestiltak og samarbeid som har vist særleg god innsats kan få prisen.
Døme på god innsats kan mellom anna vere:
- arbeid med karbonbinding
- reduksjon av klimagassutslepp
- klimatilpassing
- målretta arbeid med jord og skog
- forbetring av vasskvalitet
- gjenvinning og reduksjon av avfall
- styrking av naturmangfald
Meir informasjon om prisen og nominasjonsskjema finn de på nettsidene til Vestland fylkeskommune.