Inspirerande kveld i Strandvik
Over 100 personar tok turen til Strandvik grendahus då Os Bondelag og Fusa Bondelag inviterte til inspirasjonskveld førre veke.
Kvelden vart ein stor suksess med minikonsert av Tilslørte Bondepiker og eit humørfylt foredrag av Humørbonden sjølv, Geir Styve. Ideen til kvelden kom i kjølvannet av at Os og Fusa vert til Bjørnafjorden kommune neste år. Både konserten og foredraget var laga med tanke på samanslåinga, og traff blink hos publikum.
Bondelaga i Os og Fusa kjem ikkje til å slå seg saman, men dei vil samarbeide tett. Begge laga var godt nøgd med kvelden.