Glutenfrie lussekattar
I kalenderluka 13. desember finn du oppskrift på lussekattar. Det er ein del som av ulike årsaker ikkje kan ete gluten, så her får de ei glutenfri oppskrift til helga
Oppskrifta er henta frå tine.no.
3 dl Kesam original
3 dl vatn
2 ss fiberhusk
70 g jyttemel
6 ss Tine Meierismør
50 g gjær
½ ts salt
500 g lyst glutenfritt mel
1 ½ dl sukker
1 g safran eller 0,5 ts gurkemeie
2 ts kardemomme
Pensling og pynt:
1 stk egg
1 dl rosiner
Ha kesam i ein bolle og tilsett varmt vatn. Rør saman og tilset fiberhusk og jyttemel. La kjøkenmaskinen gå i 5-8 minutt.
Smelt smøret. Tilset gjær, smør, salt, mel, sukker, safran (eller eventuelt gurkemeie) og kardemomme. Elt godt og set deigen til heving i 30 minutt.
Sett omnen på 225 °C. Trill ut deigen med olje på hendene. Del deigen i bitar og trill dem til lange fingertjukke pølser. Form til ulike lussekattar. Legg lussekattane på bakepapir eller smurt steikeplate, og hev under plast eit lunt sted i om lag 15 minutt.
Visp saman egget med ein gaffel. Pensle lussekattane med egg og pynt med rosiner. Steik midt i omnen 12-15 minutt. Avkjøl litt på rist. Dei smakar best lunkne.