Fullteikna motorsagkurs i Kinsarvik
Ullensvang Hagebrukslag vart kåra til årets lokallag 2015, mellom anna fordi dei er flinke til å arrangere kurs og møte for medlemene. I mars arrangerte dei både skogdag og kurs i bruk og stell av motorsag.
-Kurset har vore skipa til fleire gonger tidlegare, og vart fort fullteikna, seier Eva Aga Baas frå lokallagsstyret. Kurset gjekk føre seg 4. og 5. mars i Kinsarvik, ved planteskulen til Vidar Jåstad. Rolf Erling Loe var kurshaldar.
Kurset hadde både ein teoretisk og ein praktisk del, og medlemer i Ullensvang Hagebrukslag fekk rabatt på 800 kroner.
Dersom andre lokallag er interessert i å arrangere motorsagkurs, kan dei ta kontakt med Skogbrukets Kursinstitutt.
Ondsag 2. mars arrangerte lokallaget skogdag i lag med Indre Hardanger Skogeigarlag. Arrangementet fekk omtale i Hardanger Folkeblad.
