Fritt fram for alle gode prosjekt
- Partnerskapen for landbruket i Vestland har no opna opp for å handsame søknadar om investering fortlaupande uavhengig av produksjon, seier fylkesleiar Anders Felde
Dette har dessverre si årsak i stor svikt på søknader knytt til ombygging frå båsfjøs til lausdrift, held Felde fram. Partnerskapen, der representantar frå bondeorganisasjonane, innovasjon Norge, fylkeskommunen og Statsforvalteren sit er difor samde om å ikkje lenger halde på prosentvis prioritering av potten til ulike produksjonar, men handsame søknadene fortlaupande uavhengig av produksjon. Dette er naudsynt for å sikre at investeringsverkemidlane vert brukt opp seier Felde.
I jordbruksoppgjeret for 2022 er rammevilkåra for å kunne investere sterkt betra med auka prosent til 40 og maksimalt tak på 3,5 millionar. Det er heilt naudsynt for å kunne snu trenden for investeringar innan mjølkeproduksjonen. Dei vilkåra vil ikkje gjelde før frå 2023. Ideelt sett burde det vore mogleg å teke dei i bruk frå 1. juli, men slik er dessverre ikkje regelverket seier Felde.
Dagens prosentsats på 35 og maksimalt tak 2,4 millionar om du byggjer i tre er ikkje godt nok til at mange nok av mjølkebøndene vel å investere for framtida. Det er svært alvorleg held Felde fram.