Fokus på kommuneplan og biogass
- Innspel og oppfølging av den nye arealdelen i kommuneplanen vil vere eit svært viktig arbeid for oss i Breim Bondelag det komande arbeidsåret, sa leiar Arne Frode Øvreseth då laget hadde årsmøte tidleg denne veka.
I arbeidet med kommuneplan samarbeider Breim Bondelag tett med Gloppen Bondelag og Hyen Bondelag i eit samstyre. Dei har jamnleg møte med kommunen og skal ha eit nytt møte seinare i haust. Det siste året har samstyret også jobba aktivt for å oppretthalde den økonomiske støtta til veterinærordninga i kommunen. Ein fekk redda ordninga, men måtte akseptere eit kutt på 50 %.
Breim Bondelag hadde i vår ryddeaksjon der dei rydda kring 25 km veg. Både E39, fylkesveg og kommunale vegar.
Ved sidan av kommuneplanen vart det sett fokus på biogassprosjektet i Gloppen. Prosjektleiar i NOMIL Marit E. Larsen innleia på tema i møtet. Du kan sjå heile innlegget hennar her.
Nils H. Sandal og Marit E. Larsen
Organisasjonssjef Lars Peter Taule representerte fylkeslaget i møtet. Han innleia til diskusjon kring moglegheitene som ligg i den nye politiske samansetninga på Storinget.
Det vart attval på styret i lokallaget som er sett saman av:
Leiar Arne Frode Øvreseth
Nestleiar Ragna Førde
Sekretær Connie Grindheim
Kasserar Nils H. Sandal
HMS Roger Egge