Da må verte enklare å få levert inn landbruksplasten
- Det trengst til dømes fleire Grøne Punkt, slik at også vi i utkantane kan få levert plasten til attvinning utan store transportkostnader, vart sagt i møtet i Eikefjord Bondelag
Landbruksplast er ved sidan av den generelle økonomiske situasjonen det som opptek flest av medlemene som vi møter i lokallagsårsmøta våre. Eikefjorden føyer seg greit inn i rekka der. Det MÅ kome gode ordningar som enkelt gjr at ein kan få levert inn landbruksplast.
Ved sidan av landbrukspolitikk og innspel før jordbruksforhandlingane har laget delteke på fleire utadretta arrangement som Eikefjorddagane og servering av kaffi og kake på omsorgstunet. Eitt av medlemene har gjennomført kurs i Landbruksspelet, så laget håpar å få gjennomført dette saman med elevar på ungdomsskulen til våren. Elles har laget skipa til julebord med skogeigarlaget og på nyåret ventar det bondefest saman med dei andre laga i kommunen.
Stabilt i styret
Asle Magne Ellingsund held fram som leiar. Med seg i styret har han Idar Øren, Beate Steindal, Bodil Hovland Øren, Stig Rune Svorstøl og Frode Steinhovden. Kjell Humlestøl er ny leiar i valnemnda.
Asle Magne Ellingsund held fram som leiar i Eikefjord Bondelag
