"Bondevenner" på Stord gjev motivasjon!
Stord Bondelag og Huglo Bondelag utnemnde seks "Bondevenner" som verkeleg støttar opp om landbruket lokalt.
- Det er motiverande for oss å sjå at me har folk med oss i arbeidet for norsk matproduksjon.
Som takk for innsatsen, utnemnde me følgjande til "Bondevenner", fortel Torunn Eikeland, leiar i Stord Bondelag:
* Fengselet mat og vinkjeller v/kjøkkensjef Carina Horvei, som viser stor interesse for å nytta lokale råvarer på sin meny.Me håpar at dei får til eit samarbeid med lokale bønder slik at dei får meir lokal mat på menyen!
* Turid Østern Fadnes i Sentrumsforeningen. Turid er aktivt med å arrangere «Skogdagen» første laurdagen i desember. Dette er blitt ein fin møteplass for bønder og dei handlande. Ho ynskjer å samarbeide med oss om fleire arrangement som t.d. torgdag og liknande.
* Johannes Landmark,Nils Dale Elde og Knut Steinar Engelsen. Dei har på mange måtar vist at dei støttar opp om arbeidet til bøndene og er rause med oppmuntrande ord.
* Magne Kydland i avisa «Sunnhordland». Han har skrive fleire leiarartiklar til støtte for bøndene.
Kvar "Bondevenn" fekk diplom, T-skjorte og poteter frå Huglo som prov på støtta dei gjev oss!
- Me håpar og trur at det er mange fleire «Bondevenner» i kommunen, men i denne omgangen er det desse som har fått utmerkinga frå oss, avsluttar Torunn Eikeland.