Bondevenn som nytt medlem
Bondevenn Jenfrid Stellberg melde seg like godt inn i bondelaget under "vårsleppet" på Lindås senter nyleg. Som engasjert i landbruket i Afrika, driv ho bistandsprosjektet Chime.
Prosjektet går ut på å leige ut ei drektig purke til fattige kvinner. Når grisungane er avvende, leverer kvinnene tilbake purka, medan dei får grisungane. På den måten kan dei byggje opp drifta og skaffe seg ei inntekt derifrå. - Eit flott døme på at engasjement for lokalt landbruk er vegen å gå, kommenterer Frøydis Haugen i Austrheim/Lindås Bondelag.