Nyleg inviterte Os Bondelag til årsmøte, og rammene for kvelden var særs stemningsfulle. Medlemmene samla seg til middag på garden til Inger og Olav Botnevik, der dei blei møtte med varm gjestfridom og ein utsøkt meny. Svineknoke stod på menyen til middag, og desserten var iskake.

BILETE: Bordet blir dekka og klar for gjester.

Før møtet fekk fylkesstyrets representant, Knut Tore Nes Hjelle, moglegheit til å besøke fleire lokale bønder i området. Slik fekk han eit nært innblikk i kvardagen til bøndene i Os, med både utfordringar og moglegheiter. Hjelle blei tatt godt imot av Os-bøndene.

BILETE: Rune Lekven og Gunstein Dyrdal visar Knut Tore Nes Hjelle rundt på garden.

Under årsmøtet blei sakslista gjennomgått, og det var god interesse for dei ulike temaene. Os Bondelag har hatt eit aktivt år, med mellom anna slåttegraut-arrangement og deltaking på bondens dag, ein tradisjon dei har halde ved like i mange år.

BILETE: Folk som sitt til bords under årsmøtet.

Knut Tore Nes Hjelle heldt eit engasjerande innlegg der han tok opp fleire tema som opptar bøndene i Vestland og om kva Bondelaget vil fokusere på framover. Dette la grunnlaget for gode diskusjonar og mange konstruktive innspel frå dei frammøtte.

Årsmøtet blei ein kveld fylt med hyggeleg samvær, fagleg påfyll og utveksling av erfaringar.

BILETE: Gunstein Dyrdal, Erlend Moberg, Olav Botnevik, Hanne Marie Lyssand og Knut Tore Nes Hjelle.

Olav Botnevik blei gjenvald som leiar.

Styret i Os Bondelag vart slik etter årsmøtet:

  • Leiar - Olav Botnevik
  • Nestleiar - Hanne Marie Lyssand
  • Styremedlem/Kaserar - Gunstein Dyrdal
  • Styremedlem - Erlend Moberg
  • Styremedlem - Tore Øvreeide
  • 1.Vara - Susan Åsgård
  • 2.Vara - Endre Botnevik

Valnemnda består av leiar Dina Helen Lervåg og medlem Jeanne Moncler Bolstad.